لافيها .. واتشعبط فيها :)))

إنها السعاده الاإرادية.... عندما تتحكم فى مشاعرنا الداخلية.... وتلمس فينا عواطفنا الجوانية..... نصيح حينها بعلو صوتنا... ونقول يارب ما تحرمنا من الفرحه ديه..... وادى زيها اضعاف للى حواليا.... لو لقيت فرحه اتشعبطت فيها.... ممن ايديك اوعى توديها.... خدها معاك للحزن وغيظه بيها :)) ....دى بقت حاجة مش سهله انك تلاقيها..... روح خلى حد معاك يفرح بيها..... يمكن بقاله كتير مش شافها ومحتاج ليها.... ماتبقاش انانى وتقول انا هاخبيها .....انشرها .. وزعها .. واجرى اتنطط بيها..... دى الأبتسامة دى كلنا بنحلم بيها .. هانموت عليها.... فى مشاعرنا بنلاقيها ...من حزننا بنموت من خوفنا عليها.... يلا لاقى فرحتك واتشعبطت في

ناس جوا دنيتك :)

كان فى جملة كده بحبها اوى بس للاسف مش فاكراها ^_^ كانت بتقول
ناس بتدخل دنيتك تفرحك وناس تانية تدخل تجرحك .. ناس تدخل وانت متأكد انهم خارجين وناس تانية قاعدين فى القلب خالدين .. واكتر ناس بتبقى فاكر انهم طالعين بيفضلوا قاعيدن فى القلب ومربعين . وناس تانية بيروحلوهم الحنين ..... ومش فاكرة بعد كده ^___^
الجملة دى مافهمتش معناها الا لما شفت انواع الناس دول فى حياتى ... فى منهم الى دخل قهرا واجبارا ومش هايطلع .. فى منهم الى كان بكامل اختيارى واختار انه يطلع .. فى منهم الى اخترته واختارنى وقاعد فى القلب مستربع .. فى منهم الى دخل لكن ربنا شاء انه يخرج .. على مكان تااانى بتمنى يكون احسن بكتيير :))
فى الى دخل وطلع بس بردو لسه بيروحلوا الحنين ... فى الى لسه مادخلش وبتمنى انه يدخل ومش يطلع ابدااااا .. فى نوعية دخلت لكن مش بختيارى وعمر ما هايكون ليها مكان فى قلبى .. بعتبرهم على دكة الاحتياطى ... وناس تانية بقى ماهما عمله مش هايطلعوا يعنى مش هايطلعوا ^_^

فى الى لسه بيحاول يدخل .. فى الى قلبى لسه موقفه برا لحد ما يتأكد اذا كان يدخل ولا لاء .. ونااااس نااااس نااااس ولسه قلبى هايشوف من دول كتييييير

لكن عرفت حاجة مهمة اوووى فى حياتى .. ان اى شخص مهما كان دخل حياتى سواء كان بإرادتى او لاء .. سواء حبيته او مش حبيته .... لازم يكون ساب اثر فى حياتى
علمنى حاجة جديده مثلا .. كرهنى فى تصرف غلط بعمله .. صححلى مفهوم عندى .. شجعنى على حاجة .. حببنى فى حاجة كويسة .. حتى الناس الوحشين بيسيبوا اثر وراهم .. علمونى درس انى مثلا ماثقش فى حد ماعرفوش بقالى كتير .. وهكذا

" لا تتعب نفسك بالبقاء فى قوب الناس فى هى ليست الجنه " الجملة دى انا بصراحة مش مقتنعه بيها اوى ... لان فى ناس حبهم ليك هو الجنة فى الدنيا :))
فى ناس قادرة تخلى دنيتك دى برغم كل الهم والتعاسة والقلق الى فيها .. قادرة تقلبهالك فرح وحب وسعاده .. بكلمة حلوة بنظرة حنينه بتصرف يخليك تعرف ان قلبك ماغلطش لما دخل الشخص دا جواه ...
لكن بردو بطبيعة الحال لما يكون فى حاجة لازم يكون فيه عكسها .. الى قدر يخلى دنيتك جنه .. صدقنى مش هاتلاقى الى يخليهالك ناار ...
مهما كان الشخص دا وحش وقاسى مافيهوش مشاعر ..ومضايقك دايما .. عمره ما هايوصلك انك تقول انه قلب حياتك جحيم .. مافيش بشر كده اصلا .. ربنا خلقنا اه فينا الحلو وفينا الوحش ... لكن حتى اوحش وحش فيه ولو على الاقل صفة واحدة بس خلته بشر :)

يعنى اى حد فى نظرك دا شرير وقاسى ومش عنده احساس وقاتل وكل صفة وحشة تتخيلها .. شوفوا فى موقف مثلا ان حد عزيز عليه بيموت .. هاتموت جواه كل المشاعر دى ومش هايظهر ساعتها غير الطيبة والحنيه الى كانت مستخبية جواته ...
ربنا خلق كل واحد فينا والخير والشر جواه .. فى ناس الخير جواها من كتره الناس بقت بتفتكر انه مافيش فى قلبه ذرة شر .. وناس من كتر الشر الى جواها بننسى انه بشر واكيد بردو جواه خير
دور فى الناس على الحلو فيهم وحبه مش تتطلع فى كل صفاته المش كويسة وتقول دا واحد مش كويس ..

وفى بقى درس تانى اتعملته .. ان حياتك هاتلاقى فيها نااس عمر ما حياتك كان هايكون ليها معنى من غيرهم .. هاتلاقى كده فى صاحب قريب منك ... فى اخ بيخاف عليك .. فى ام واب حياتهم كلها علشانك انت .. فى حبيب مش عايز حاجة غير انه يسعدك .. فى زميل عايزلك الخير .. واحسن ناس بتسعدك .. هما الى عمرك ماتخيلت انهم ممكن يكون فى مكان ليهم فى قلبك :)

فتش فى قلبك دور على الناس المستخبية جوا .. شوف مين الى ركنته جوا اوى ونسيته .. شوف مين الى لسه على دكة الاحتياطى .. شوف مين الى يستهال طرد .. بص على الى لسه واقفين على الباب بره ودخلهم .. خلى بالك من الى جوه واوعى تخرجهم .. جدد قلبك للى بتحبهم .. فضى مكان لناس تانين غير الى طردتهم .. اوحش واحد هاتقابله فى حياتك بص فى قلبه على الى مستخبى جواه .. هاتلاقى كتيير وكتيير من الخير الى عمرك ما كنت متوقع انك تلاقاه .. الناس مش وحشيين .. والله طيبين .. احنا بس الى مصرين .. مانلاقيش فى الناس غير القسوة وننسى الحنين

دور على الى غير فى شخصيتك .. دور الى بتدعى وتقول يارب اجمعنى بيه فى جنتك .. دور على الحبيب الى عمره ما هايحب حد غير حضرتك .. دور على الصاحب الى بجد .. دور ودور
تانى هاتلاقى كتيييير .. فى ناس لسه قلبها ابيض واصيل ..


مل اخر يعنى .. دور كويس فى الناس الى جوا دنيتك .. ومش هاتسيبك حتى فى اخرتك :))

رمضان :))

رمضان دا شهر مختلف بكل معنى الكلمة .. احساس تانى دنيا تانية وشعور جدييييد عمرك ما تحسه ...
عارف يعنى ايه رمضان .. يعنى النزول ساعة العشاء علشان التراويح والدنيا كلها فوانيس منورالك طريقك وانت ماشى .. يعنى عزومة الفطار الى يتنسيش وعلى قد ما الاكل بيكون كتييير على قد ما بتبقى احلى حاجة اللمة مع الى بتحبهم .. يعنى التراويح فى المسجد الى مابتحاولش تفوتها يوم وتزعل لو فاتتك ... يعنى لهفتك اوووى لأدان المغرب علشان بتموت من العطش بس جواااك بتقول علشانك يارب ... يعنى الابتسامة الى بترسمها على وشك لاى حد معدى قدامك بس علشان تاخد اجره :)
يعنى كلمة اميييييييين وانت بتقولها من كل قلبك على الدعاء الى بتسمعه من اى حد غلبان بتديله صدقة .. ومش اى دعااء دا دعاء من القلب .. يعنى القران الى بتحاول تختمه واحساسك بالفخر لما تبقى ختمته ... يعنى الطفل الصغير الى بيكون فى قمة فخره وشعوره بالعزة علشان صام لحد الظهر من غير ما ياكل ... يعنى الكنافة والقطايف بعد الفطار طعم تاااانى فى رمضان ... يعنى جريك قبل الفجر على ازازة الميه تشربها كلها فى بق على امل انك مش تعطش تانى يوم وبردو بتعطش :))
يعنى تقعد تكلم ربنا بليل كده لوحدك وتطلع كل الى فى قلبك وتختم كلامك بقولك يااااااااااااارب استجب .. واحساسك بالرضا والفرحة لما ربنا يستجيب :)
يعنى البنوتة الصغيرة القمر الى رايحة مع مامتها الصلاة وهى لابسة الطرحة على بدى كت ... يعنى الطفل الصوغنون الى اول مرة يلبس جلابية ويروح المسجد مع باباه ويقعد يقلده وهو بيصلى :)
يعنى طبق الأكل الى بيفضل رايح جاى على ما بين اتنين جيران مش حد راضى يرجعه فاضى للتانى ..
يعنى المسحراتى وطبتله واصحى يا نااااااايم .. يعنى الاطفال ولهفتهم وهما بيعلقوا الزينة فى الشوارع وفى البلكونات .. يعنى الأم المصرية الى بتفضل واقفة على رجلها طول النهار علشان بس تعمل اكلة جميلة لاسرتها
يعنى المصلية الى بتصلى عليها وتسرح فى رسمة الكعبة الى عليها وتقول يا رب امتى اروح .. يعنى السبحة الى فى ايد الراجل العجوز الى من كتر ما سبح ربنا بيها مابقاش بيعد .. يعنى موائد الرحمان الى فى كل شارع ودعوة صاحبها ان ربنا ينوله اجر اى حد فطر عنده ... يعنى وجودك فى الشارع ساعة المغرب وتلاقى ناس واقفة على رجلها مش فطرت لسه بس علشان يدوك بلاحية او كوباية مية تفطر بيها .. يعنى عصير قمر الدين والتمر الهندى والعرق سوس الى الناس بتستناهم من رمضان ل رمضان .. يعنى ليلة القدر والمساجد كلها مافيهاش مكان لخرم ابره .. كله واقف بختلاف شكله ومستواه مش هدفة غير حاجة واحدة بس .. رضاك يارب .. يعنى لبس العيد الى بتنزل يوم الوقفة متحروس علي شراه علشان مش لحقت لسه .. يعنى كل سنة وانت طيب الى بتلاقى واحد ولا عمرك شفته فى حياتك بيقولهالك ومن قلبه بجد .. يعنى الطفل الفطران وصحابه يقعدوا يقولوا يا فاطر رمضان يا خاسر دينك قطتنا السوداء هاتقطع مصارينك هععععععع .. يعنى الام الى بتدى لابنها فلوس علشان تشجعه بس يصوم لحد ما يتعود .. يعنى الكولدير الى انا بقيت بغطيه وانا صايمة علشان منظره جارح للمشاعر اوى فى الصيام :)))  ... يعنى من الاخر رمضان فى مصر مش اى رمضان .. شهر بالسنة كلها الى اول ما بيخلص بتدعى ربنا يبلغك رمضان بتاع السنة الجاية .. يعنى رمضان .. انا بجد بحبك يا شهر الغفران ..
:))))

a lover or a friend !!

in your life you met and will meet alot of people ... some people enter you life and just goo without making any impress .. and other enter and make impress .. but the impress that you never forget in life ... maybe a good one .. and maybe they go leaving behind them Sore that does not go away with time !! and life goes on

but the people are not the same ... not the same personalities .. not the same reactions and not the same amount of love they share with you .. you will have friends .. and also lovers ... ( i'm not talking only about boy friend or girl friend ) but a lover can be just some one you don't know much about him .. but you just love him ... !

you can't control who enter your life and who don't .. but at least your heart controls who will be good .. who will be better .. and who is the best .. maybe it's a lover and maybe it's a friend
everyone thinks that when we compare between lover and friend .. sure the friend is the best .. but in fact not always .. there is just a difference between the two reactions about what you say ...
for example .. when you say " I'M NOT FINE "
lover : oh sorry how can i help :(
friend : ohhh who should i kill :D
that what we expect .. but sometimes it will be like that

friend : oh sorry but i know you can fix it by yourself !! 
lover : what should i do to make you feels better :(:(

see the difference .. answers from friend is not expected all the time .. but always the lover will offer help although he can't ...
that what i call a lover with a touch of friend :)
it's more better .. and i like that :)

C'est la vie !!

احيانا كتيرة الواحد بيبقى مش عارف حاسس بإيه .. زعلان ولا فرحان . مرتاح ولا فيه حاجة مضايقاه .. مش عارف هو محتاج ايه محتاج انه يسكت ولا محتاج بنفجر فى العياط فى حضن حد بيستريحله .. لما بتقابله مشكلة ساعات المواجهه بتكون هى الحل وساعات التعامى عنها هو احسن حل .. بس بردو مش حل انك تهرب . دا واقع ومجبور تعيشه بالطول والعرض ممكن بعد فترة تتعايش مع المشكلة لدرجة انك تنسى انها كانت مضيقاك اصلا وتعتبرها جزء من حياتك . وممكن لو عدت سنيين بردو مش نتعايش .. بس خلال السنين دى بيكون مات كتير جوانا منها مثلا الفرحة الى من كتر ماهى مش موجوده نسيناها اصلا .. ممكن يموت جواك احساس بالراخة , هايموت جواك كتير لكن براك لسه زى ماهو .. اه ابتسامتك مرسومه عريضة على وشك , لكن وراها ايه هى دى المشكلة !!
عيونك الى بقى علطول بتلمع من كتر الدمع المحبوس جواها .. ضحكتك العالية الى مجرد وضع مؤقت بيبقى لمده دقيقة وبعديها خلاص خلصت !! احساسك الى بتحسه دا لما حتى هاتفرح بتقول يااااه ازاااى .. اصلك مش متعود .. ومن كتر ماتعودت على الحزن افتكرته حتى وقت فرحتك !!
شعورك الى مش عارف تسيطر عليه دا ليه دايما بيبقى شعور الاسى والوجع .. هايكون احساسك ايه لو ان نفسك اتقسمت فريقين ( عقلك وشخصيتك السلبية ) فى ناحية ( وقلبك وشخصيتك الايجابية فى ناحية ) وروحك فى النص بينهم .. كل واحد عمال يشد ناحيته وانت متعلق .. ممكن الفرح يشدك ناحيته اه شوية بس بطبيعة الحال الناحية التانية هاتشدك اكتر وهاتكون الشده بتوجع اكتر واكتر !!
سكوتك الى مخبى جواك كتير دا وبتتمنى لو شخص واحد بس يفهمه .. مش اكتر من شخص لما تقوله انك كويس يقولك عيونك فاضحاك ومكدباك قول الحقيقة .. خوفك ما مجهول الى انت مش عارفه دا ودايما افكاره محوطاك .. احساس السكينة الى نفسك اوى تجربه فترة  كده على بعضها . تمسكك بحياه تافهه كلها قرف وهم .. شعورك بالوحده وفى الف واحد حواليك .. اختيارك الغلط لطباع غلط عمرك ماتمنيت تكون فيك .. نظرتك السوداوية لقدام الى عمرها ماهاتتغير .. ومليون احساس ومليون شعور حواليك من كل ناحية وغصب عنك موجودين وارجع اقولك كلمة واحدة بس

                                                               عزيييزى المكتئب ...

c'est la vie !

اجدع صحاب

كانت فى اولها بالنسبة لى سنة عادية .. ومدرسة وصحابى الى انا عارفاهم معايا وخلاص يعنى ماشى الحال .. بس مش كل حاجة بنتوقعها بتحصل والعكس .. يعنى عمرى ماكنت اتوقع اعرف ناس حلوة كده .. او انى افكر اصلا انى اعرف

بدأت السنة عادى وبدأت السنة الدراسية وتقريبا ماكنتش اعرف فى الفصل حد غير انتيمتى الى معايا وكام واحده كده زمايلى معرفة من زمان وخلاص .. كنا كلنا فى اول السنة كاشين من بعض ومش مأمنين لبعض لسه ومش اتعرفنا ولا واحده فينا تعرف التانية .. عدى اول يوم تانى يوم وهكذا لغاية والله ما فاكرة ايه اول موقف جمعنا بيهم بس اهو الى حصل بقى .. يمكن عشان احنا فصل متفوقين فعددنا قليل شوية دا خلى الموضوع اسهل واحلى .. اتعرفت على صحاب جداااااد ( ازيك ازيك عاملة ايه كويسة طب تمام ) ودى كانت اول العلاقة ما بينا عادى يعنى بطيبيعة الزمالة اننا قاعدين فى مكان واحد .. بس فجأة كده من غير مقدمات لما تلاقى نفسك دوبت فى حبهم يبقى شىء غريب .. فجأة بقينا كلنا كده نعرف بعض وبقينا كلنا صحاب بعض وحبينا بعض .. كان حتما ولابد من لعبة ( بوتل ) عشان كل واحدة تتطلع الى فى نفسها للباقين .. كل واحد حكى عن نفسه شوية وقال حاجة واتعرفنا على بعض ليه وكده .. عدت الايام فى السنة وحبنا زاااااااد بطريقة ملحووظة وبيزيد تحديدا فى حصص الالعاب الى كانت المدرسة كلها بتحكى عليها هعهع كنا عيااال فووظاع يعنى .. حسيت باحساس غريب مش عارفة اذا كان ساعتها ولا دلوقتى بس حسيته وخلاص .. الى هوا ازااااى انا اتعلقت بيكم كلكم كده
انا خايفة انسى حد بس على قد ماقدر هاقول
كان فيه اصالة وريهام عيلتين مسخرررررررررررررة بجد فوظاع زى العسل حبيتهم اوى ومن مغامراتى معاهام مسطرة الاردن هعهع وترامادول والجمل وحاجات كتيييرة كده .. وكان فى دنيا الرقيقة الجميلة الهادية الشاطرة الى كنا بنحاول نقلدها بس تقريبا مش عرفنا هعهعهع وجنبيها سارة الى كنا فاكرينها هادية بس ماطلعتش هادية نايهاهاهاها .. كان فى منه ونورهان .. دابما بيلعبوا فى موبيلات بعض كده بس كانوا عسل بردوو .. كان وراهم فاطة واسراء من دحيييحة الفصل ما شاء الله نياهاها .. وكان فى بقى ام الدكة الفاضية الى فى اخر الصف دى الى كنا كلنا واخدينها ترانزيت فى الحصص الى مش بنحبها وكنا بنتخانق عليها ههههههههههه .. نرجع لقدام تانى كان فى مى وناهد دحييحة دحييحة يعنى بس كانوا بيبقوا عسل اوى مع بعض وهما بيهزروا مع بعض الى يشوفهم مايعرفش كده عنهم .. وراهم وئااام مساعده الرائد والى كانت بتعلقنا الزينة هههههههههههه وكانت بتكسبنا فى ماتشات الباسكت ماهى ماشاء الله الطول عندها فوق اووى .. جنبيها يمنى الغلبانة الى مش كنا بنسمعلها حس .. وراهم بقى مييين البلوتيييين المسحييين .. ريهام وهدى ههههههههههههههه ريهام دى حاجة تانية خااالص بت روشة طحن وجامده ودماغ ولغاية فترة مش بعيدة ماكنتش مصدقة انها بنت مس صفاء هعهعهع .. هدى كان فى ظاهرها هادية بس من جوا مقلكوش قرررردة ... وراهم ميييين حبيبة الملايييين والى جايبالنا الكلام والهم والخناق مع انى كنت بحب ضحكتها .. نيفرتاااارى العظييييمة .. وبصراحة مش حابة اتكلم فى النقطة دى كتيييير :D:D:D
وراها بقى ميييين حبايب قلبى الحلوين المققطين الى كانت واخدة توكيل معاهم فى الدكة فى النص بينهم كده رخااامة .. منه ومنه .. بجد واقول اييييه طلعوا عسل اوى وانتى يا منه محمد لما كنتى بتقوليلى سوووسى بجد كنت بحب اسمى اكتر وكنت بحب انك غلبانة اوى كده وهاديييية .. منه اباظة هههه انتى على بعضك عسسسسسل بجد ووحشتينى فعلا لما سافرتى وكنت هاموت اشوفك .. مين بقى الى عليه الدور .. مراااااااااااااااااام , طب والله دى عسل وغلبانة بردو وكنت بحبها لما بقع معاها ننم كده .. ونطلع على قداااااااااااااااام تانى ونقول الللو مين معااانا .. احم دكة فاضية ماكنش حد بيقعد فيها غير لما مدرس بيقوم واحده فينا او منه ومنه فى حصة الفرنساوى عشان مابيشوفوش حاجة هيهيهيهيهي .. طب وراهم ناهد اتلكمنا عليها خلاص .. وراها الاتنييين السكر الى بعشقهم شذى وايناس .. بجد كانوا عساسيل خالص وانا قربت من شذا اكتر فى وقت الامتحانات وطلعت بت عسل مووووت وحبيتها اكتر اووووووووووووى .. .. والحلوين وراهم ميييين الدكة المصيييبة اليييهوى .. ميرنا رييم سماااااااااح واه يااانا على كانوا بيعملوه ميرنا رائدة فصلنا العظيييم واغنية البرص واوبرا الى كانت بتهيجنا وبنات ماااااااااااماااا وحصص الالعاب الى بالبنطلون الاسود السكننى واوعى السكننى بقى ونعاكس بعتضيتشنا .. ريييم واه يانا منك يا ريم الترم الاولانى كله يانايمة يا تعبانة والترم التانى قلبت سياسية محنكه هعهعهعهع .. بس كانت مجنوونة نوونه يعنى .. سمااااااااااح الغلبانة الهادية الى بتاخد على دماغها مننا ههههههههههههههه عثل عثل ..
نرجع ورا دكة كمان هانلاقى فى وشنا ميين يا نرا مييين الاء ويارا ومستر خالد الى عمره ماطاقهم ههههههههههههههههه بس والله الاء كتير حسيتها طيبة وغلبانة ولونها كانت بتتأخر اوى ومستر موسى كان بيبقى هايقتلها .. ورا كماااان حبة نلاقى البطابيبط سارة ومنه .. دايما سارة الهاند فرى فى ودنها .. الكابيشون على راسها وتحت الدكة فى كل الحصص هههههههههه منه كانت بتقوم تتمشى فى الفصل كله ههههههههههههههه كنت كل يوم بلاقيها فى دكه هههههه كده وصلنا للحيطة وللوحة التاريخ والاحياء الى كنا عاملينهم .. والزينة الى كرهنا نفسنا لما اتقطعت بعد ما تعبنا فيها .. .. حصص الالعاب والتهيييس والطايرة .. التريقة على المدرسين لحد ما طلع عينهم .. امتحانات الشهر وشد الورق .. اغنية اهانة وسوء معاملة الى عيططت الفصل كله ...المرجيييحية وايوا يا ميرررررا ... يوم الخميس والتهيس بتاعه .. ضحك رويدا الى بيفضحنا كلنا كده .. رييم الى بيغمى عليها توماتيكى توماتيكى كل شوية ونروحها .. هه ميرا لما بتتنرفذ واوعى بقى لما ميرا تتنرفذ .. منه ومنه ومنه الثلاثى المررح .. القاعدة فى معمل الكيماا والخنقة من ام الريحة على الى بنعمله داا .. معمل الاحياء فى اخر حصة لما كلنا بنااام .. مستر موووسى والتريقة عليه هو ومستر خالد هعهعهعهع ... حصص معمل الكمبيوتر الى بنقلبها نم على الولاد والمواقف المحرجة الى حصلت ولحد ناو فاكراهم موقف موقف هههههههههههههههه .. الطابور الى كانوا بيبوسوا ايدينا فيه عشان نقول النشيد وبردو مش قايلينه .. امتحانات العملى .. اخر يوم مدرسة لما كولو كان بيفعص كولو احضااان وبووس .. الكتب الى فى الادراج وفين المفتاح يا سماااااااااااااااااااااااااح هههههههههههههه .. الفيونكات الى كانت على السبوورة الى لونها موووف .. الضحك من تحت الدكك كده فى الخباثة عشان مانتهزئش .. بجد انتوا خليتونى احس انى عندى اصحااب بمعنى اصحااب بجد .. احس انى لما اكون محتاجة حاجة الاقى 100 واحد حواليا بيساعدنى .. لما بزعل ولا اعيط الاقى كولو حواليا بيطيب خاطرى وبقولى معلش بقى ويضحوونى .. عرفت يعنى ايه صحاب جدعان لما تحتاجهم تلاقيهم جنبك وحواليك وكل حاجة .. عرفت وعرفت وعرفت ولسه هاعرف عنكم كتيييييييييييييييير بس الى اعرفه دلوقتى انى بعشقكم بمعنى بعشقكم .. هاتوحشونى يا جزززززززززززم .. بجد احنا هانظبط يوم ان شاء الله ونتقابل فيه كلنا ان شاء الله فى بيت واحدة مننا .. وقبل ما الاجازة دى تخلص .. او حتى هانفطر مع بعض فى يوم فى رمضاااان ان شاء الله بجد هايبقى تحففففففففففففففففففففففففففففففففففففففففففففففففة
وكلمة اخيرة
u made me feel that friends are family which we choose :)
انا طلع عندى اخوات كتييييييييييييرة اوى :D

:) عمرة

كنت فى سادسة ابتدائى لما عرفت انى هاروح المكان الجميل دا .. اول مرة هاروح طبعا ليها احساس تانى خااالص .. كل ذكرياتى عن المكان دا  .. مم ماعنديش ذكريات لانى اه اتولدت فيه لكن كان عمرى سنتين ساعتها ف طبعا لا افقه شيئا اطلااااقااا
كنت ساعتها فى سادسة ابتدائى وماعرفش هل بركة الرحلة الحلوة دى هى الى خليتنى اجيب المجموع دا ولا ايه مثلا هعهع .. المهم تقريبا سافرنا كان فى الترم التانى .. وكان فى الرحلة دى باقة من الحاجات الى اول مرة اجربها وانا عاقلة وواعية كده هعهعهع
اولا : كان اول مرة اركب طياره .. مش كنت خايفة زى اى حد كان احساس عادى يعنى ومش كان فارق معايا اقعد جنب الشباك ولا لاء اصل احنا بليل والدنيا اسود عتمه هاشوف ايه يعنى . ركبت وقعدت وفى النص كأنه عنداّ فيا مثلا هعهع .. طلعت الطيارة وككنت حاسه نفسى بتزحلق على ورا وبتزحلق لحد ما كنت هاركب على حجر الى قاعد ورايا نياهاهاها بس ساعتها الطيارة اتعدلت وقالوا فكوا الاحزمة .. مش فكرت فى حكاية انى انام دى بس قعدت العب شوية فى السكرين الى بتبقى قدامنا .. وبعديها جت المضيفة وتقريبا كده مش فاكرة جنسيتها بس هى اعتقد كانت حاجة من اسيا هيهيهي .. اديتنى بوكس كده بيدوه للاطفال ( اه اوومال مانا كان منظرى عيالى اوى ) البوكس دا انا فاكراه كويس .. كان فيه شوكولاتة وعصير وشيبسى وكراسة تلوين والوان شمع .. كان حلو والله وكان عاجبنى .. المهم خلاص قالوا هاننزل دلوقتى اربطوا الاحزمة وبصوا من الشبابيك .. لقيت منظر بجد مش قادرة انساه .. المدينة منورة من فوق .. ياااااه متخلين كده انك فى وسط ضلمة واسود وعتمه وفجأة كتلة كده من النور بتظهر قلت ساعتها سبحان الله .. نزلنا ووصلنا و كنا فى المطار مش فكرة ان منظره كان ملفت اوى بس اهو اكيد احسن من بتاع مصر وانظف بلا شك هعهعهعهع .. ركبنا الاتوبيس ورحنا على مسجد كده عشان الاحرام وانا الحمد لله بلا فخر كنت لايصة اخر حاجة مش عارفة اعمل حاجة ولا اقول ايه ولا اصلى ازاى صلاة الاحرام دى .. عاملة زى الاطفال الى لسه بيتعلموا صلاة الصبح هيهيهي صلينا ورحنا على الفندق . كان حلو والله وجميل طلعنا وكان ساعتها قرب صلاة الفجر الى هو يادوب نلحقهها .. الفندق كان قريب من الحرم نزلنا بسرعة وروحنا وكانت الصدمة والذهوول .. منظر الحرم النبوى بجد مش قادرة انسى منظرى اول ما شوفته وتنحت فى جمااااااااااااله وقلت يا الله .. اد ايه كان جمييل بجد فرحت اووووى ان اول منظر اشوفه كان هو .. المهم دخلنا وصلينا الفجر وكان وقت جمييل اوى .. ساعتها اتعلمت حاجة جديدة خاالص والى كان مفروض اعرفه انى لازم اتعود على الحاجة دى كل يوم تقريبا .. " صلاة الجنازة " الى فهمته يعنى انه اى حد بيموت فى السعودية كلها لازم يتصلى عليه فى الحرم .. ف كان بعد كل صلاة يقول الامام " الصلاة على ميت يرحمكم الله " ومش مرة واحده دا كان اكتر من مرة بعد كل صلاة تقريبا .. اتعلمت ازاى اصليها .. بعد الفجر بقى فى المدينة دا حاجة تانية خااالص خاالص .. تطلع من المسجد تلاقى الشارع كله اصلا ما شاء الله ريحته مسك جميلة من المحلات واصحاب المحلات بدأوا يفتحوا والدنيالسه بتنور كده تحبى تخرجى جدا فى الوقت دااا .. .. الى ماكنتش اعرفه بقى انى لما انزل اصلى الظهر هاتشوى وانا رايحة .. اصل الجو هناك نار نار يعنى ..والعبايات السوده بقى ماقولكوش عللى بتعمله فى الحر دا يااااااانااا .. اه صحيح نسيت اقولكوا انى بردو ولاول مرة فى حياتى البس عباية سوده وكنت مستغربة نفسى اوى الصراحة بس احساس حلو انك " الحاجة سولى " هعهعهع .. المهم الضهرية دى كان الجو اوه لالوووو بصراحة .. مايتمشيش فى الشارع .. يادوبك تاخديها جرى لحد الحرم عشان مش تتسلقى .. واحساس بقى اييه لما تخشى فى التكيف جوه كده الله الله .. جميييييييييييييييل .. قررنا اننا هانزور الروضة عشان اسلم على الرسول صلى الله عليه وسلم وابلغله سلام كل الى قالولى اسلم عليه .. كنت فاكرة بقى انى هاخد راحتى واصلى براحتى واكلمه وامشى فى سلام لكن ماكنتش اعرف الى هايحصل ان ان اااان ... دى كانت معركة حسبى الله ونعم الوكيل والله .. عندهم تميز هناك اوى بين الستات والرجالة .. الروضة بتبقى مفتوحة للرجالة طول اليوم لكن الستات معادين بس وبيبقوا زحمة اووووووووووووووووووووووى اووى .. فضلنا واقفين فى الطابوور كتيير كتيير يعنى وكنت بتخنق يمعنى بتخنق مافيش هوا وكان فى ست ماليزية كده واقفة بتهوى عليا هاهاهاها .. دخلنا ومش عرفت اصلى للاسف :( اتكلمت كده بس وخلاص .. بس فعلا كانت حاجة فى منتهى الهمجية من كل الجنسيات تدافع وعدم احترام للمكان الى هما فيه وحاجة تقرف .. وانا لما دخلت جوه بقى كنت بموت رسمى فعلا .. .. مافيش هوا وانا بتخنق والناس عمالة تهوى عليا لدرجة ان فى واحدة عسل كده اديتنى موزة هععهعهعهعهع مش عارفة اعمل ايه باموزة وانا بتخنق بس كتر خيرها ماقصرتش هههههههه .. المهم خلصنا من المعركة دى على خييير وتقريبا مش فاكرة حاجة اكتر من كده فى المدينة

رحنا مكة وبصراحة مش حبتها خاالص زى المدينة .. الناس هناك مش كويسين اوى زى هناك والجو احر واحر والفنادق يا فوق اووى زى الانتركونتنتال .. يا تحت اووووووى زى فندق رمسيس .. حاجة يععع .. ومش كنت مبسوطة خاالص كل الى مصبرنى انى هازور الكعبة .. كانت جميلة اوى ولفيت حواليها وحاولت بكل قدراتى اشوف الحجر الاسود بس طبعا ولا عرفت المح طرطوفة منه اصلا هعهعهع .. بس كانت اكتر حاجة حلوة .. صليت فى الحته الصوغننة الى بتبقى قدام الكعبة دى .. الربع دايرة .. كانت حلوة اوى ولمست كسوة الكعبة بأيدى وريحة المسك فضلت فى ايديى مارحتش غير بعديها بكتييييييير اوى .. كانت جميييلة بجد .. ومن اجمل الحاجات الى حبتها هناك بردو .. حمام الحرم كان جميل اوى اكلته حبوب كده .. وكان فى ريشة واقعة من واحده منهم اخدتها ولسه محتفظة بيها وميه زمزم بققققى ياااااااااااااه مش كنت بشبع منها كل شوية اشرب ..
 فاكرة انى وانا فى المدينة حصلتلى حاجة غريبة اوى .. انى وانا ببص على منظر كده من فوق فى الحرم المنظر دا كان مكبوع فى خيالى كأنى شوفته امبارح .. وكنت متأكده انى شفته قبل كده يعنى شفته ازاااى وانا كان عندى سنة او سنتين ساعتها ماعرفش بس شفته سبحااان الله

مش فاكرة تفاصيل اكتر من كده اوى بس فعلا فعلا .. ربنا يرزقكم كلكم بزيارة للرحلة الجميلة دى .. وانا معاكوا تانى يااارب :):)..

memories of 16 years ! :)

هى !

فى نفس المكان كل يوم بلييل قبل ما الفجر يدن بشوية .. فى الزاوية الى هناك دى .. ايوة دى على نفس المصلية وبنفس الاسدال ونفس الحاجة بتحصل كل يوم .. عارفين ايه ؟!!
بخش اوضتى اقفل على نفسى واقعد فى الزاوية الى وريتهالكم دى .. اصلى ركعتين لربنا واقعد اكلمه شوية اصله بيبقى واحشنى الكلام معاه اووى .. بطلع كلام على كلام من قلببى واقول ياااه بقى كنتى شايلة دا كولو جواكى .. اقولكوا على سر وبصراحة .. هى بتبقى واخده جزء كبير اوى اوى من دعائى فى الوقت دا .. اصل انا عارفه انه مستجاب فى الوقت دا فبحب اخليهولها .. مش مشكلة مين ( هى ) دى بس كل الى اعرفه انى بدعيلها من كل قلبى .. بقعد ادعى ربنا يوفقها فى حياتها وفى دراستها وامتحانتها .. بقعد ادعى ان ربنا يحببنى فيها زياده اصلى بحبها اوووووى فى الله .. بقعد ادعى واقول يا رب اجمعنى بيها فى الجنه .. هابقى فرحااانة اوى يارب لو ماحرمتناش احنا الاتنين من النعمه دى .. بقعد ادعى ان ربنا يهديها ويزيدها ايمان وتقوى .. بقعد ادعى ربنا يديها طولة العمر ويخليهالى يااارب .. بدعى بدعى بدعى وعندى ثقة كبيرة اوى فى ربنا انه يستجيب .. :)
.
.
.
.
.
.
.
.
.
.
.
.
.
.
.
.
طبعا هاتموتوا وتعرفوا مين ( هى ) دى بس دا سر .. بس هاقولكوا حاجة .. ( هى ) دى نااااااااااااااس كتيرة فى قلبى تستحق منى كل خير واجمل دعا .. ربنا ما يحرمنى من ( هى ) يارب :))

سولى تحلم !

يهمنى حلمى البرىء مهما يكون" "
الجملة دى من وقت قريب بقت تقريبا شعارى فى حياتى .. انها مهما كنت عايزة ومهما كان بسيط وممكن الناس يتريئوا عليه .. قررت انى مش هابص لحد ممكن يقول ايه على كده وانى هاههتم باللى انا عايزاه دا غصب عن اى حد :
قعدت مع نفسى كده ادعبس وادور فى اعماق اعماق ومعاميع قلبى ادور ايه هو حلمى البرىء ؟؟؟!!!
لقيت انى عندى احلاااااااااااااااااااااااااااااااااام بس ياااه كانت فين دى كلها .. معقولة يا بت يا سوسى كنت مخبية دا جواكى طول الوقت المهم يعنى .. لو احلامى من الناحية العملية : ( شغل يعنى من غير فذلكة ) كان من وانا صغيرة بيراودنى حلم كده نظرا لاهتمامى بشىء معين الا وهو البيئة .. ف كنت قد قررت انى ليه مبقاش " سعاده معالى وزيرة البيئة " وايه المانع يعنى .. اقل منى ايه الى اتعينوا قبل كده .. شوية مذاكره بجد وابحاث  وكوبايتين نسكافيه بلاك وكلوا يبقى تمام ... والغريب بقى انى لقيت الناس مشجعنى على كده جدا وبيقنعونى انها وظيفة لايقة عليا .. على عكس المتوقع يعنى !!
كبرت شوية وكبر مقاس حلمى معايا .. اكتشفت من فترة مش بعيده اوى انى بعرف ارسم مثلا واكتب حاجات .. مش كنت اعرف انى ممكن يبقى عندى الاهتمام لهواية زى كده ومش كنت اعرف بردو انو مع كتر الممارسة هاتحسن كتير فى الموضوع دا .. المهم بقيت بكبر وفى نفس الوقت بتكبر الهواية دى معايا .. لحد ما فى يوم كده اذ انه قررت قرارا واصدرت بيااانا هااااما
سوووووووووووووولى عايزة تتطلع صحفية او كاتبة يا جودعاااان .. وايه المشكلة بردو .. اى كاتب بدأ مش شوية ورق بيكتب فيه اى حاجة لحد ما بقى بيألف كتب ودواوييييين .. وبصراحة الشغلانة دى لقيت الى يشجعنى عليها كتييييير ولولا الهواية دى ماكنش زمان فى البلوج دا ولا كنت زمانى بكتب دلوقتى النوت دى .. المهم
قعدت افكر شوية بما انى خلاص داخلة على تانية ثانوى اهو وكلها تكه ولازم اقرر مستقبلى هعهعهعهعهع قال يعنى الشغل مقطع بعضه .. قلت ما اخش ادبى واطلع كاتبة او صحفية زى مانا عايزة بس قالوالى لاء .. خشى علمى مع انى شايفة ان الادبة جمييييل والله .. بس لقيت انه يقرف مع واحده زييى .. واصدرت البيان التالى
سوووسى هاتخش علمى يا جودعااااااااااااااااااااااااااان . طب علمى ايه دا .. انا مش عايزة اى كلية من كلياته لاءااااا هاعمل ايه .. لحد ما نزل عليا الالهام فجأة وبردو اصدرت قراااار ( بقيت بصدر بيانات اكتر من المجلس العسكرى نفسه هعهعهعهع ) قررت سوووسى انها عايزةتتطلع زى الى عمرها ما حبتهم فى حياتها اطلاقا بتااااتاااااا .. داكتووورة اسناااااان حسيت انه ايه المشكلة يعنى .. مافرقتش كتير طب عادى من طب اسنان واهو بلوة اخف من بلوة .. بس فوجئت بحاجة عجبتنى جدا جدا جدا وجت فى الجون بصراحة
د.شريف عرفه
( عارفينه دا الكاتب ابو نضارة الحلو دا ) قعدت اتسائل عن حرف الدال الى قبل اسمه دا بيبعبر عن ايه يعنى وهو اصلا كاتب ومحاضر ورسام كاريكاتير .. فاكتشفت شىء الا وهو انه دكتور اسناااان ( نياهاهاهاهاهاهاها ) هو انا هاطلع زييه ولا ايه .. دا السؤال الى سألته لنفسى ساعتها .. بس لقيت ان دى فرصتى .. اخش الكلية الى انا عاوزاها وفى نفس ذات الوقت كهواية اعمل الى انا بحبه .. الله الله دا ايه الجمال دا .. حلم جمييل صح .. بس الى عنده العزيمة يحقق بقى مع شوية محبطين للهم والعزائم متنطورين حواليه ( ايه الى انا بقوله دا ) ما علينا .. الصراحة يعنى هو دا كان حلمى البرىء فى الشغل .. نتتقل الى الجزء الاهم الى ممكن الاقى الف واحد بيقولى ما لسه بدرى يا قطة على اكلام دا مستعجلة ليييييه .. ( عرفتوا طبعا هاتكلم فى ايه) فيها ايه لما احدد مواصفات فتى احلامى من دلوقتى .. عيب ولا حراام
. بصراحة الموضوع دا ماخدش منى تفكير زى ما اخد موضوع الشغل دا .. بس اهو يعنى الواحد بيحط خطوط لنفسه من دلوقتى علشان ما يتصدمش الصدمة الكبيرة لما يواجه الواقع .. اهو يعيش قصة حب فى خياله قبل ما يقابل مجتمع الوحوش الى بره دا الى مش هايلاقى فيه واحد متفصل زى ما كان هو عايز بس ممكن .. للى عنده دماغ يدور
المهم .. مش هاقول عايزاه امير جايلى بحمارته البيضة ياخدنى نتفسح فى الحقول والمروج الوسعه والهبلولى دا لا انا حلمى ابسط من كده خااالص
كل الى انا عايزاه انه اولا يكون بيحبنى او هايحبنى او حبنى المهم ما يكونش واخدنى تخليص حق مع اهله يعنى هعهعهع .. عايزاه يراعى ربنا فيا ويعيشنى اميرة .. مش بفلوسه ولا الهبل دا لا بكلامه واهتمامه بيا .. حتى لو مش هايقدر يحققلى كل حاجة انا عايزاها بس يحسسنى انه بيعمل المستحيل علشان يحققهالى وانا هاكون مقدرة دا اوى اوى .. يكون حنيين ( عادى لسه فى ناس حنينه مش تخافوا ) حنين بكلامه بأفعاله بتصرفاته .. يكون اهله بيحبونى هعهعهعهع .. مش عايزاه يتبهدل ما بينى وما بينهم لمجرد انهم مش طايقينى .. وانا على اقد ماقدر اكيد هاخلى اهلى يحبوه ... ابدا ابدا عمره ما يزعلنى ( حد هايقولى مستحيل طبعا ) وانا عارفه كده بس في دماغى حاجة مش عارفة اوصفها بالنسبة للموضوع دا .. على فكرة يعنى مش شرط يكون توم كروز ولا براد بيت فى جمالهم يعنى .. بس بردو مايكونش شعبان عبد الرحيم .. عايزاه وسط ولو انا حبيته عمر ما هايكون الشكل دا حاجة مهمة اكيد ( دخلنا فى المعمعه اهو ) نفسى يبقى ليه علامته المميزة فى حياتى كده .. نفسى يكون هو الى بجد ادعى من كل قلبى ان ربنا يجعلنى معاه فى الجنه .. فى اجمل من كده نفسى يكون واحد مابيفكرش لا فى شكلى ولا فى ملامحى اكتر ما بيفكر فى انا جميلة من جوا ولا لاء ؟؟ مل اخر عايزة واحده مش عارفه هلاقيه ولا لاء .. لما يجى يتقدملى مش عايزاه يعملى مفاجأت بقى وافراح وطبل وهبولى علشان يفاجئنى .. هو الصراحة اه دى حاجة رومانسية جدااا .. بس هو لو جابلى الدبله كده واداهانى فى ايدى من غير ما يقول اى حاجة دى عندى بالدنيا كلها
سيحتكوا انا صح .. وبصراحة هاتضايق اوى لو حد قالى انتى لسه صغيرة على الكلام دا !! ف ماحدش يحاول يقول بعد اذنكوا ( ديموقراطية انا ) ههعهعهعهع ..
خلصنا من الشغل ومن الموضوع اياه دا .. تخش فى اخر حاجة وبصراحة ممكن تكون اهم حاجة .. انا اتخلقت ليييييه ؟؟ هاعمل ايه لدينى او لوطنى او لمجتمعى تفيده .. حاجة اقابل بيها ربنا يوم القيامة واقوله يا رب انا عملت كذا !! لحد دلوقتى مش عرفت ايه هى الحاجة دى بس بدعى ان ربنا يوفقنى انى الاقيها واعملها كمااان ( قولوا ياااارب ) واخيرا اهم حلم واكبر حلم واعظم حلم ممكن الواحد يحلم بيه
" رضاك يا رب " تخيلوا لما حد ربنا يرضى عليه كده .. بقعد افكر اووى فى اسامى الصحابة وهى فى اخرها كلمة عظيمة اوى .. رضى الله عنه وارضاه .. قد ايه الناس دى عظيمة جدا لدرجة انه تبقى معروفة بين النناس فلان الفلانى الى ربنا رضى عليه وكمان ارضاه  .. بجد نعمة عظييييييييييييمة اوى .. ربنا ما يحرمنا منها .. تخيل لما تقابل ربنا يوم القيامه وتلاقى انك عملت حاجة بسيطة اوى فى حياتك خلت ربنا يرضى عنك .. طبعا مش كليا وطبعا عمرنا ما هانوصل لمكانة الصحابة بس ربنا رضى عنك .. دى حاجة ماتتوصفش ..

طولت اوى صح ..( اكيد فى حد دلوقتى بيقول دا مش حلم برىء ولا نيله دا حلم مطول اوى ) بس بلنسبة لى هايفضل حلم لحد ماموت .. وانا قررت انى مش هاموت ناقصة حلم ان شاء الله !! طول مانا عايشة هاحاول احقق واعمل الى انا عايزاه .. قوينى يارب :)))
وبث

*solly *

يعنى ايه ابقى مزاجية !!

انا بطبيعتى شخصية مزاجية ودى حاجة ناس كتيرة مش فاهماها او فاهماها وبتستهبل مش فارقة
المهم انه دايما مصرين يضايقونى بالموضوع دا وبيعتبروه من اخطر العيوب فيا الى حتما ولابد لازم يذلونى بيها !!!انا طبيعية فيا لا يمكن اثبت على نفس الموود فترة طويلة .. يعنى ممكن اكون فرحانة جدا وفى اقل من فسوة ممكن تلاقينى فى مقدمة لوصلة من العياط الذى لا ينقطع ( عاملة زى حجر انيرجايزر .. لا يكل ولا يمل ) ما علينا بعدنا عن الموضوع .. المهم بقول انى بغير مودى بسرعه ابقى مثلا متعصبة جداااا وعفاريت الدنيا بتتنطط قدامى( او بتجرى) المهم اكون متعصبة ويجى حد ابن حلاللل كده يقولى كلمة حلوة تهدينى وكأنه دلق عليا كوباية لمون واعصابى تهدى خاالص ولا كأن حاجة حصلت .. المشكلة بقى ان معارفى واصدقائى الأعزاء مش بيقدروا دا ( الا القليل القليل يعنى ربنا يجازيهم كل خير الى بيفهمونى ) بيعتبروا ان دى خيانة عظمى فى حقهم اذا اكون فرحانة جداا وانا معاكى وفجأة ازعل .. يبقى كده بقلب عليها يبقى كده مش عايزاها تبقى صحبتى تااانى ويلا هوووب خناااقة ... بيقولوا عليا دايما انى مش مواااازنة ( تفرق كتير عن متوازنة ) يعنى مابعرفش اكون كويسة مع كل الناس فى وقت واحد !!!! ولحد دلوقتى بصراحة يعنى الموضوع دا مش داخل دماغى .. هو معنى انى مهتمة ب حد شوية يبقى كأنى رامية التانين وكارهاهم !! انا كده باكيج على بعضى يا تقبلونى بعيوبى ومميزاتى يا مافيش !! لكن مش كل واحد هايفصلنى على مزاجه بقى !!! شكر خااااص جدااا لاى واحد فهمنى وبقى بيتعامل معايا على كده .. ( كأنه قرا الكتالوج بتاعى يعنى علشان مابوظش منه وهو بيتعامل معايا ) دا حد اشكره جدااا جدااا مش لانه فهمنى .. لا لانه اصلا كان عنده الاهتمام الكافى انه يحاول يفهمنى علشان باقى عليا فى حياته .. كده بحس انى بجد شخص ليه وضعه فى حياته ودى حاجة بقدرها جدااا وعمرى مانساها للشخص دا .. اما بقى بالنسبة لل بطابيط الى مصرين يفهمونى غلط او ان صح القول يعنى فاهمنى صح بس بيستهبوا .. كلمة واحدة بقى يعنى " طوووووووووووز "

عجيب الانسان!

عجيب الانسان مننا .. من اول ما يتولد لحد ما يموت هايفضل اغرب سر ولغز ماحدش عارف يوصله
غريب لما يلاقى ناس بيحبوه ويصر انه يتعلق باللى مش من نصيبه
غريب الانسان مننا لما يبقى شايف الصح قدامه ويروح للغلط بنفسه
غريب الانسان مننا لما يبقى قدامه مبرراات موضوع معين وبردو يصر انه يفهم غلط
غريب لما يبقى قدامه السعاده ويهىء لنفسه اسباب التعاسه
غريب لما ربنا يديله مليون سبب وسبب يجعل دنيته واخترته دى احلى حاجة وبردو مصر انه يعصيه
غريب لما ربنا يديله اهل وناس بيحبوه وصحبة صالحة ويبقى ولا سائل فيهم
غريب انه يبقى عنده موهبه ويركنها جنب الحيط
غريب لما يبقى عنده هدف ويسيبه لمجرد انه كسل
غريب انه عنده احلى حياة مليون غيره بيحلموا بيها وبردو مش راضى
غريب انه يبقى عنده اخلاق وصفات كويسه ويصر انه يسيبها
غريب غريب غرييب
مش فعلا غريب الانسان !!!!!

كانت طفله بريئة :)

كانت طفلة صوغنونة
احلامها بسيطة ونونه
حلمها برىء
فستانها رقيق
حضنها ينسيك الهموم
ضحكتها تشيل الغيوم
قلبها من الحبايب يساع مليون
وفى شتا زى اى شتا
بس بردو مش اى شتا
قابلت عصفور صوغنون
حلو وامور
طيب ومش مغرور
اعجب العصفور ببرائتها
حبها كده علشان رقتها
 قلبه دق من مشيتها
هى كمان اعجبت بيه
بحنيته وبنظرة عينيه
ببسمته البريئة
بكلماته الرقيقه
بس عمرها ما عرفت تعبر ليه
اصلها كانت خجلانه ومكسوفه من نظره عينيه
بحبها البرىء وكلماته الرقيقة
فضلوا مكملين مع بعض احلامهم البريئة
:):):)

بس يا سيدى وقامت معيطه !

عدى كتيييييير وكتييييير ولسه هايعدى اكتر فى حياتها خلاها تعيط
 عدى عليها لحظة موووت حد قريب .. وبس يا سيدى وقامت معيطه
عدى عليها لحظة ضعف .. وبس يا سيدى قامت معيطه
 عدى عليها لحظااات خوف واه .. وبس يا سيدى وقامت معيطه
يمكن عدى عليها حب .. وبردو خلاها تعيط
يمكن فى حياتها جربت يوحشها حد .. وبردو يا سيدى قامت معيطة
 جربت احساس انها تعشق حد ومن خوفها لا يضيع .. بردوو لسه بتعيط
طب جربت ايه تانى خلاها تعيط
جربت تتألم .. تتوجع ولا حد يحس بيها
جربت تشكى وتدمع ولا حد يشوف دموع عينيها
جربت تجرى وتفرح تحاول تشيل الهم من حواليها
وبردو يا سيدى قامت معيطه
وعياااط عيااط عيااط
دا ايه البت الكئيبة دى !!!
واخيرا وليس اخراً حاولت تبقى تاااافه .. وشكلها كده هاتعيط !! 

drwaings !

aun su chici kuin la "
7bebt 2lby wallahy :D:D

 

pic 1 : heart : follow me this way
mind : no follow me this way

pic 2 : nooo , you two come with me this way :))

هذا ليس اختيارى ولكن هكذا شاءت الأقدار

Edit

هذا ليس اختيارى ولكن هكذا شاءت الاقدار

by Sohaila Khairy on Friday, August 20, 2010 at 7:28am

علمت انك لن تعود
وانك قد اختفيت من الوجود
وحبى لك لم يستطع الصمود
لا تلم نفسك
انا اعرف حبك
واعرف ان عشقك لى يفوق الحدود
 ولكن الان اختفت الردود
اختفت الابتسامات واختفى معها الغموض
ولكن الامر خرج عن الحدود
لم يكن هذا اختيارى ولم يكن هذا فى الحسبان
فذلك الخبر اتى لينشر الحرمان
ماذا بقى هناك من حبنا ليتذكره الزمان
كان موجودا مسطورا فى سجلات تاريخ المحبين
ولكنه الان اصبح ماض اليم
يسطر فى صفحات تاريخ المنكسرين
بعد هذا الخبر الحزين
ماذا بقى ليتذكره العاشقين
كل ما بقى هو الم ..خوف.. هزيمة.. انكسار
كل ما بقى هو حزن .. ضعف .. دموع .. .. انهيار
ولكن لا تلم نفسك فلم يكن بيدك الخيار
يظنك الناس ميتا ولكن حمقى !!!
لا يعرفون ان الحزن ليس هو الاختيار
سيبقى حبك مدوفنا فى القلب
حتى لو كان هذا القلب منهااار !!!
ف هذا لم يكن اختيارى ولكن هذا شاءت الاقدار

انا مصرية !

انا مصرية
مش مهم مسلمة ولا مسيحية
هلال كان او حتى صليب
لاء انا تحت علم بلدى محمية
ومن صغرى اهلى علمونى يعنى ايه وحدة وطنية
يعنى زييى زى اى واحدة مسيحية
كلنا عايشين على ارضنا المصرية
علمونى ان فى حاجة اسمها فتنة طائفية
لكن طول عمرى اقول انا مصرية
انا ولا حتى صحبتى المسيحية
ما كلها ديانات سماوية
عمرنا ما عرفنا ان فى حاجة ممكن تفرقنا بالطريقة ديه
احمد ولا مينا .. فى اقصى جنوب مصر ولا حتى سينا
فاطمة ومعاها  كريستينا .. ما كلنا دم واحد وعلى المبدأ دا اتربينا
لكن عمر ما كانت كلمة تجيبنا وتودينا
هاتقولوا ما الانفجار كان مستهدف فبرونيا ومينا
لا ماهو بردو مات محمد ومعاه دينا
الكنيسه كان فيها ناس بالعيد فرحانين .. رايحين مسترحين 
 ..لكن بردو المسجد كان فيه مصلين
مسلمين ولا مسيحين .. كلهم بيعبدوا ربنا حتى مع اختلاف الدين
فوقوا بقى يا مصرين
لحد دلوقتى لسه مش فاهميين
مع اننا فى نفس المكان متربيين
وباحوال البلد دى احنا عارفين
عارفين ان فى مغتصب جاى يضيع تعب السنين
جاى ياخد البلد دى ومش هايفضل فيها لا مينا ولا حتى حسين
جاى يمحى ذكريات سنين
جاى يمحى ملامح حب قديم
فى ارض مصرية اتولد .. لكن الله اعلم مصيره هايكون فين
فوقوا بقى يا مصرين
وخدوا بالكوا من علم بلدوكوا الى انتوا تحته محميين
علم بلدكوا الى طول عمركوا هاتفضلوا فى ظله متشرفين
علم مصر الى اتقال فى القراًًن ادخلوها بسلام امنيين

شوية لخبطة طلعت فى مرايا صغنططة part 3 :))

يا مرايتى يا حكايتى
يا قصتى يا روايتى
انا رجعتلك تانى اهو اكملك حكايتى
سبتك فترة كانت صعبة عليا
كنت قاعدة وحدانية
بس كنت قررت انى هاحل مشاكلى لوحديا
قلت لنفسى انا مش هاضعف واستسلم لواقع مش عايزه تشوفه عنيا
مش هاخاف وهابطل ابص حواليا
مش هاقلق وهاخلى نفسى مرضية
قلت لازم اقرب من ربنا شوية
داهو الى خلقنى وهو الى اعلم باللى فيا
هو الى قادر يطلعنى من كئابتى ديا
وطبعا جريت جرى حضرت المصليه
اتوضيت وصليت ركعتين كانوا من احلى اللحظات الى عدت عليا
كنت قاعده فى الاوضه لوحديا
ماحدش شاف دموعى وهى نازلة من عنيا
قاعده بس بشكى وافضض لربنا من غير مايكون حد حواليا
طلعت كلام وحكاوى عمرى ماكنت اتخيل ان لسانى ينطق بيها
نزلت دموع عمر ما عينى كانت تقدر عليها
عارفة يا مرايتى
اد ايه ربنا بيحبنا
دايما ناسينه بس بردو فى عز توهاننا بيدلنا
ادانا القرأن الى يخلى السعاده تقرب مننا
ويبعد اى حزن او خوف عن قلبنا
ادنا الدعاء الى بيه نعمل معجزات
ادانا الصلاة الى بتعلى الروحانيات
اداانا واداانا واداانا
وبردو لسه مش فى قلبنا
طب ليه مانقربش اكتر من ربنا
ونبطل نتوه اكتر فى نفسنا
دا الطريق واضح اهو اووى قدام قلبنا
نفكر شوية بقى بعقلنا
وساعتها هانعرف ان طريق ربنا
هو السعاده الى تبعد الحزن عننا
يلا لسه فيه وقت .. عايزين نتقابل فى الجنه كلنا
عايزين السعااده ؟؟؟
امشوا فى الطريق الصح .. طريق ربنا :))

by : S.K.Y

شوية لخبطةة طلعت فى مرايا صغنططة patr 2 :))

كنت وعدت مرايتى انى اقابلها تانى

وارجع احكيلها على كل افراحى واحزانى

بس ماكنتش متخيلة ان معادنا كان هايجى بالسرعة دى تانى

وقفت قدامها وبصيت بصه عرفت بيها الى فى كيانى

عرفت انى رجعت زى الاول لمكانى الاولانى

تقلبات .. تدهورات .. تشقلبات

قلبتلى حياتى وزمانى

ابتديت ابصلها والدمع فى عنيا

مش كنت عايزة حد غيرها يبص عليا .

مش كان نفسى حد غيرها يشوف الى فى عنيا

ابتديت اخد نفسى واحكى على جوايا

ابتديت اشكى واطلع حاجات كتيير

ذكريات ومواويل كان نفسى ارميها ورايا

بس ازاى وانا لسه ماحكتش لحد الحكاية

حكيتلها عن كل الى جوايا وحتى الى برايا

حكيتلها انى رجعت ازعل تانى

رجعت اشكى واقول اه يانى

رجعت اعيط واتدمر واقول يا ريتنى ما وقفت مكانى

حكيتلها عن الايام الى فاتت

حكيتلها عن مشاعرى و احساسيى الى ماتت

ابتدت مرايتى تحس بمحنتى

ابتدت تواسينى وتساعدنى فى شدتى

ابتدت تقولى يا بت اثبتى

مش اى مشكلة كده تجرى تعيطى

دانتى لسه ياما هاتشوفى فى الدنيا وياما هاتتشحططى

بس قلتها انا طلعت ضعيفة

مش بقدر استحمل وبقيت بصدق اى تخريفة

 بصتلى كده نظرة تأنيب

ورجعت تفكرنى بأيام التعذيب

فكرتنى بذكريات رميتها من سنين

فكرتنى بالاوجاع والجروح والانين

ولما لقيتنى هابتدى اعيط تانى

بصتلى بصة حنان نستنى احزانى

قالتلى حتى لو عدت عليكى ذكريات غريبة

ذكريات واحداث كانت مريبة

اكيد مانستيش الناس الى كانت من قلبك قريبة

كانت معاكى طول الرواية حتى وهى كئيبة

كانت معاكى بتطيب نفسك المريضة

اه مريضة مانتى مابتعرفيش نفسك الحقيقة

الناس الى بجد حبيتيهم

عرفتيهم واخترتيهم

يكونوا معاكى لاخر الطريق وانتى حتى بتكئبيهم

الناس الى عرفتى معاها يعنى ايه صاحب بجد

يعنى ايه فعلا تتعلقى بحد

بصيتلها كده وعلى وشى اترسمت ابتسامه

ابتسامة نسيتنى همومى الى كانت مدخلانى فى دوامة

بصيتلها وقلت يا مراتى انتى فيكى الحكاية .. انتى كل الرواية

انتى ملاذى ومكانى .. انتى احلى مرايا
:)))


done bye : S.K
date : 10-3-2011

شوية لخبطة طلعت فى مرايا صغننة :))

حاجت كتير نفسها تتقال
وهواجس جوايا مالهاش اجابات
طب اعيط اطلع كل الى فى البال
ولا اسكت عشلان الكلام دا محال
تايه فى وسط الزحمة مش لاقى
حد يسمع او يحد يبالى
حد ينفع يتفضفض ليه
ولا حد ينفع ارمى همومى عليه
طب بلاش العياط ونخلينا فى الكلام
ماهو اصل قلمى هو الى بيفسرلى الاوهام
اجرى جرى على اوضتى .. احبس نفسى واطلع الورق والالوان
مجرد هابتدى اكتب .. الاقينى بكتب احلام
مابقولش الحقيقة وبردو لسه مش لاقية الطريقة
لا عياط نفع ولا فضفة
وانا حياتى لسه بردو متلخبطة
نفسى اقول كلام واطلع الى جوايا كله فى شوية شخبطة
بس قلم ايه دا الى ممكن يكتب كل الكمية دى من المرمطة
طب هاهرب لمكان تانى
مكان ماحدش يعرف فيه عنوانى
هاجرب اتكلم واقول الى جوايا
هاعيط واشخبط من غير مابص ورايا
مجرد بس هايبقى وشى فى المرايا
اشوف عيونى هاتقول ايه وانا بحكى الحكاية
وبدأت الرواية
ابتديت افتكر ايام وسنين
ابتدى قلبى يسترجع ذكريات وحنين
لايام جميلة عدت وماعرفش راحت لفين
لذكريات جميلة اتعملت .. وماعرفش صاحبها كان مين
ابتديت بردو افتكر عيااااط ونحيييب
افتكرت ذكريات مؤلمة وقلب حزيين
افتكرت اهات ووجع وانين
افتكرت عياط ايام راح من سنين
افتكرت دربكة جوايا واشواق
افتكرت بردو ايام القلب المشتاق
افتركت حب سنين لاحلى ناس غاليين
لسه فى قلبى محفورين
بعدنا عن بعض سنين وسنين
بس بردو عمر ما القلب ينسى الحب والحنين
افتركت ناس كانوا لقلبى غالين
روحهم دلوقتى عند رب العالمين
بدعيلهم دايما انهم يكونوا فى الجنة خالدين
لكن بردو قلبى مانسيش الناس الوحشيين
الى عدوا فى حياتى وسابوا جروح وانين
الى عدوا واختاروا انهم يكونوا فى قلبى فى قايمة المحظورين
سببوا جرااح كتييير .. بس قلبى كان بيلاقى الى يدوايه
ماهو اصل الدنيا فيها ناس باعت قلبى وفى ناس هاتموت وتشتريه
افتكرت ناس كنت فاكره انهم اول مادخلوا هايخرجوا على طول
لكن لسه فى قلبى مكانهم من شهور وشهور
افتكرت شريط حياتى بيعدى قدامى فى ثانية خوف وترقب للموت
افتكرت وافتكرت
طلعت الى جوايا وارتحت
الشخبطة والفضفضة والمرمطة
كلهم كان مكانهم قدام مرايا ضغنططة
قلت فيها لنفسى كل الحكايات المتنطورة
ولسه فى بقية .. احلام قدامى حلوة ووردية
وبردو مخاوف وهواجس داخلية
كلها هاتتطلع الايام الجاية
قدام مرايتى الضغغنة
الى مالقتش غير فى حضنها الراحة والفضفضة !!

done by : S.K
date : 5-3-2011

a new feeling !

that's the first time a make a blog or even think about making such a thing .. it's a great feeling to feel that you have you own place to post your creations .... i love it .. and to know that it was not to be, even i have a great friend called ' alaa nafe' " encouraged me to do that ... she made my idea into reality ... great thanks for her ...
i love youuuu .. you are great .. and thanks for everything <3 you are an amazing person ! :)