memories of 16 years ! :)

تميت النهارده 16 سنة ... كبرت وكبر مقاس همومى واحلامى وافكارى معايا .. حاولت كده استرجع ذكريات العشر سنين الى فاتوا ( بافتراض طبعا ان اول خمس سنين الواحد مابيبقاش فاكر ايتها حااااجة ) يعنى هانسترجع ذكريات مع بعض من اول ما دخلت الحضانة تقريبا ..
كج 1 .. مش فاكرة فيها حاجة غير حضانتى الى والله ماعرف اذا كنت بحبها ولا لاء .. مس ايمان . ومس ولاء الى كنت بموت فيهم ومس عيشة الى ماكنتش بطيقها ( على فكرة ماكانش بيدينا غير التلاته دول ) ههه .. فاكرهام اووووووى لحد دلوقتى .. فاكرة المراجيح اووى والمرجيحة الحصان الى كنت بحب اركبه اوى .. فاكرة يارا صحبتى الى كانت معايا فى نفس الديسك وكانت انتيمتى ودلوقتى ولا اعرف ايتها حاجة عنها هعهع .. فاكرة عيد الطفولة الى كنت بكرهه كره العمى لانى كنت عيله هبلة ومش فاهمة حاجة وبيضحك عليا بكلمتين ويتاخد البالونة بتاعتى وارجع اعيط فى الاخر على سذاجتى .. وماكنتش بنطق بكلمة للمس حتى .. كنت ببقى متحروسه فى البالونة فى ايد والساندوتش فى ايد والطربوش لابساه قهرا عشان مش عندى ايد تالته امسكه هههههه .. وكانت من اول لحظة ما ماما بتسيبنى ولحد لحظة ما يندهوا اسمى عشان ماما جت بيبقى وقت سخيف مليان صمت وحروسه بحاجتى الى مش عايزاها تضيع منى والساندوتش الى مش عارفة اخلصه من صباحية ربنا .. فاكرة لما كانت الدكتورة بتيجى تكشف على نظرنا وافتحى بققك يا حبيبتى والكلمات السخيفة دى الى بتنتهى بنظرات احتقار وغل للدكتورة بنخليها تكره نفسها وعيشيتها فاكرة ممتازة يا سهيلة فى كراسة الحساااب .. عشان عرفت 3+4 بيساوا كام .. فاكرة ام الزمزمية الى كانت دايما بيتشرب منها من غير ما اعرف ولحد دلوقتى مش عارفة مين كان بيشرب منها .. لحد ما بقى شىء طبيعى انها فى الاخر السنة ياتكون اتكسرت ميت حته يا ضاعت !! وبردو اموت واعرف كانت بتروح فين .. فاكرة ماما وهى الصبحية بتلبسنى الكولون تحت المريلة وتقعد تشيلنى بيه كده كنت بقعد اضحك اوى .. فاكرة اغنية دبدوبة التخينة الى كانت بتهيصنا فى الحضانة هيهيهي .. فاكرة اوضة المديرة الى تقريبا الى بيدخلها بيطلع منها ومابيخشش الحضانة بعدها تانى وماعرفش اذا كان بيطرد ولا بيكره نفسه والحضانة فمابيجيش هههههه .. فاكرة ان الحمام كان مشترك تقريبا ههههههههههههههههه وام الدادا الى ماكنتش بطيقها الى بتبصلنا بغل كده ... يااااااه تقريبا دى كل حاجة افتكرها عن الحضانة .
بس كنت بحب اوى مريلتى وتحتيها الشيميز البينك وانا رايحة ماسكة فى ايد ماما :)))

دخلت فى مرحلة الابتدائية والى كانوا بيقنعونا فيها انكوا كبرتوا وعقلتوا .. وكان اكبر انجاز ودليل اننا كبرنا اننا هانستعمل القلم الجاف مش الرصاص .. ماحنا كبااار بقى هههههه .. اولى ابتدائى فاكرة فيها حصص الاقتصاد المنزلى الى كنا بنعمل فيها عصير وساندوتشات مربى كنا كلنا بنرجع قبل ماناكلهم حتى ههههههههههههههههه .. بس بجد بجد كنت بحب مدرستى وانا فى ابتدائى جداااا .. كنت بحب مكتبها واللاب بتاع الكمبيوتر .. بس كنت فاكرة انى كان  لقبى سهيلة حوادث .. اصلى كنت فوسفيسه وصوغيرة اووووى مابتشافش اياميها .. وكنت لما انزل الملعب تحت فى البريك مثالا الولاد بتوع خامسة ابتدائى بيوقعونى وهما بيلعبوا كورة ههههههههه او بيشوطونى بدالها هعهعهعهعهع ... فاكرة ذكرى حقيرة اوى الصراحة فى اولى ابتدائى تحديدا .. المرة الوحيده الى اغمى عليا فيها .. كان يوم عادى وبابا نازل يوصلنى الصبحية ونازلة مفرفشة وبهزر معاه .. ويادوبك وصلنا المدرسة وخلاص داخلة المدرسه والله مش كنت بعدى الطريق ولا حاجة .. اذا بشوية تتار ( ولاد بيلعبوا كورة ) جايين من اقصى الشمال لاقصى الميييين وجووووووووووووووون ايه دا انا اتزرعت على الارض فى النص اصل انا كنت فى نص ساحة المعركة ف أخدونى فى الطريق معاهم هههههههههههههههه ساعتها ماحستش بأى حاجة الا وزمزمية الميه بتتدلق على دماغى وبابا بيشيلنى .. وساعتها اصريت انى مش مروحة البيت وهافضل فى المدرسه هه .. فاكرة كيس الكاراتيه الاخضر والازرق .. فاكرة الشوز الاسود بتاعى اوووى .. تانية وتالتة ابتدائى الصراحة مش فاكرة انى كان ليا ذكريات فيهم اوى .. بس رابعة وخامسة كنت كبير وعااااقلة لكن بردو لسه بتشاط فى النص .. اسوء مرة وقعت فيها واتصبت فعلاااا كانت بيتهيقلى رابعة ابتدائى .. كنت واقفة مع صحابة عادى وفجأة من ورا ولد جاى بيجرى بسرعة اوووووى دلقنى زى كيس الجوافه وكمل جرى .. اترزعت على وشى ولقيت صحابة كلهم سوووووووووووووووووووولى .. حسسونى انى مت والله .. بس فاكرة انهم قومونى باعافية .. اصل ايه الى حصلى بقى ( ركبتى اليمين اتعورت جاااامد وكانت عميييقة يعنى .. ركبتى الشمال بردو اتعورت واتجلفت بس مش زى اليمين .. كوعى اليمين ولاشمال كانوا لونهم احمر من الدم الى نزل منهم .. شفتى اتعورت وبردو كان لونها احمر .. وراسى طبعاااااااا ستر ربنا انها ماتفتحتش ) طبعا بتقولوا دا قطر الى زقك مش ولد هههههههههه بس الى حصل بقى .. المهم صحبتى ودتنى للدكتورة الى قعدت تبصلى كده وتقول يالهووووى ايه الى بهدلها كده ههههههههههههههههه .. رجعت البيت وطبعا جلسة اخرى من الاسعافات وفضلت كده كلى مبروطة بالشاش فترة طويلة مش كنت بعرف انام منها وقعدت ادعى دعا ع الواد دااا .. كان زمانه ولللع بصراحة ههههههه

فاكرة ان فصلنا كان مختلط لحد سادسة ابتدائى اصلو عيييييب يا بنااااات ( انتوا مزز وبيتبص عليكوا بردو ) قال يعنى مش كنا بنتقابل فى الفسحة معاهم .. ههههههههههه .. فاكرة حكاية  " التنضيف " الى كان كل يوم فصل مختلف بيعملها وهو انه ينضف الحوش كله .. كانت حاجة هباب بنسبة لينا ساعتها .. كان بيصاحبها الكثير من الاووووووف بقى هو احنا جايين ننضف ولا نتعلم .. وللخروج من الازمة دى كنا بنشيل كيس شيبسى ونلف بيه الحوش كولو قال يعنى بندور على الباسكت الى هانرميه فيه هههههههههه وعشان ماننكشفش كنا بنغير الى فى ايدينا كل شوية ههههههههه .. سادسة ابتدائى كنت بحبها جدااااااا اتعرفت على صحاب جداااد ولسه بجد بحبهم اوى لحد دلوقتى .. كنت بحب اننا فصل معروف فى المدرسة انه شاطر وفيه بنات شاطرين كتيييييييير ..  فاكرةالحديقة بتاعة المدرسة الى اتصورنا مع اكتر مدرسين بنحبهم فيها :)) .. والصور لحد دلوقتى عندى ببص لها واضحك اوووى .. على احلى ايااام .. فاكرة ان فى السنة دى تحديدا رحت رحلة حلوة اووووووووووى .. العمرة .. فاكرة ان السنة دى كنت من المتفوقين نياهاهاهاها مرة ومش اتكررت كتير بعديها .. كنت التانية على المدرسة .. وكنت جايبة 99 و سنة من عشرة فى الميه .. مجمووووووع يا ناااااااااااس وطبعا كان فيه ذكريات كتيرة فى مرحلة ابتدائى بس مش قادرة افتكرها كلها بالتفصيل ....

دخلنا اعدااادية .. اولى وتانية اعدادى من ازبل السنين الى عدت عليا مش عارفة ليه بس مش حبيتهم خااالص .. تالتة اعدااادى حبيتها .. اتبهدلنا فيها كتييير اوى بس حبيتهاااا .. حبيت المدرسين بتوعى اياميها والدروس والخروووج والنادى .. اجازتها كانت من احلى الاجازات الى عدت عليا .. يمكن عشان عملت حاجات كتييير فيها انا بحبها ... اولى ثانوى بجد بجد اكتر سنة حبيتها فى حياتى من ساعة ما بدأت اتعلم ههههههه ..
فصلنا كان فصل متفوقين وكلنا فى اول السنة معظمنا ماكنش يعرف بعضو بس الموضوع ماخدش اكتر من اسبوعين وكنا كلنا كده عبارة عن كتله من الصحاب الى بيمووتوا فى بعض .. فاكرة اغنية المرجيحة ( ايوة البيئة دى ) الى كانت ميرا بتشغلها ومن كتر ما كنا بنشغلها كان ممكن نقولها بدل النشيد هعهعهع .. فاكرة البررررررررص واووبرا .. مش لازم تعرفوا ايه دول .. فاكرة مدرسينا الى الصراحة يعنى بمقضى الحصص فى التريقة عليهم بس مش كان بايديهم حاجة يعملوهالنا .. اصلنا شاطرييين ومحترميييين .. فاكرة لما كنا بنزين الفصل ع بعض .. فاكرة لما اتكرمت عشان طلعت الاولى على المدرسة ولحد دلوقتى لسئل نفسى ازااى .. فاكرة حصة الالعاب الى كنا بنبدع فييييييييها بجد .. طايرة وباسكت واغانى ههههههه فاكرة اول يوم بعد الثورة فى المدرسة الى النشيد اتقال فيه ولاول مرة فى تاريخ مدرستنا ( بذمة ومن القلب ) فاكرة يوم حفلة المدرسة الى عيشنا فيها .. فاكرة فى اخر السنة نظرات الحزن والشحتفة عشان هانسيب بعض خلاص بعض اجمل سنة عدت علينا .. فاكرة يوم الخميس دا بيبقى فى فصلنا ليه طعم تانى مش عارفة ليه بس هوا كده .. يااااااااااااااه بجد الايام دى بتوحشنى اوووى لما بفتكرها ببقى ببتسم وبعيط فى نفس الوقت .. ان الواحد يكون عنده ذكريات دى نعمة كبيرة اوووى اووى .. واجمل ذكرياتنا كانت فى صورنا مع بعض .. الالبوم دا هافضل محتفظة بيه طول عمرى ان شاء الله .. وصلنا لحد اليوم الى بكتب فيه الكلام دا وفى انتظار العديد من الذكريات الى يارب تكون حلوة لحد ماموت !!

طبعا لو خدتوا بالكوا ماتكلمش عن الذكريات الكئيبة والوحشة الى عدت الى لحد دلوقتى فاكرها بس قررت انى اشيلها على جنب شوية .. او امسحها واسيب مكان للحلوين بدالها

بردو ماتكلمتش عن حياتى الطبيعية اوى مع اسرتى وقرايبى بس دى مووضووووووووع تانى خاااالص عايزة كلام تانى .. بس لعلمكوا من اولى حضانة لاولى ثانوى هى نفس الذكريات الحلوة ونفس قعدة يوم الخميس الى ماتتعوضش ونفس حفلاتنا واعيدانا فى بيت تيته مابتتغيرش .. عشان احكى على دا كولو لازم نوت تانية خااالص .. بعدين بقى :)))

من دا كله نتوصل انو عدت عليا 16 سنة بحمد ربنا عليهم وعلى الى فيهم :))) الحمد لله !